Castiñeiras e Cotorredondo

Chegou o outono e o chan do monte encheuse de floriñas de crocus (azafrán) e o lago Castiñeiras en Vilaboa non é ningunha excepción.

Nas ribeiras do lago podemos ver as cores que o outono trae á follas das árbores que o rodean.

Velaquí unha mostra de que Cotorredondo estivo poboado, a Anta do Rei.

Por aquí subimos a un miradoiro privilexiado.

Dende o alto de Cotorredondo vemos un anaco da cidade de Pontevedra e tra-los montes que a rodean temos Cuntis, Terra de Montes ...

Velaquí un anaco da ría de Vigo con Vilaboa en primeiro plano, as illas de San Simón no medio da ría e redondela de fondo.

Pontesampaio, lugar onde pasearon a moitos do presos do cárcere de San Simón, levanos a Arcade no concello de Soutomaior e ó fondo os montes que vixían Mondariz.

Velaquí Ons e Onza na ría de Pontevedra vixiadas á nosa esquerda polo cabo Udra en Bueu.

Como miradoiro Cotorredondo é espectacular, aquí temos a ría de Pontevedra con Sanxenxo e Portonovo enfronte e ó fondo a ría de Arousa.