Os Milagres

En Maceda hai un indicador que pon "Santuario dos Milagres 5 km" ...

...e velaquí está.

... no concello de Baños de Molgas, nunca pensei chegar a este lugar, un santuario inmenso, de moita devoción e que sempre que vía nas fotos me gustaría visitar, pois cheguei de casualidade. Aparte do santuario en sí ten todo un viacrucis de capelas pra visitar, así como o carballal que o rodea e no que atoparemos un carballo de máis de cincocentos anos onda a fonte dos milagres.

Xunqueira de Ambía

Santa María a Real de Xunqueira de Ambía, de verdade que a provincia de Ourense esta colmada de mosteiros, colexiatas, santuarios ... dignos de desfrutar.

Gustoume esta pequena cruz, fixádevos no seu pé.

Maceda

Como ía saber eu que o sitio ó que me mandaban tiña castelo ... pois pola miña "biblia particular" a enciclopedia de Silverio Cañada que tanto me custou xuntar, antes de ir a ningures sempre busco nela o que teño darredor pra ver, e menuda sorte dar con Maceda, co seu castelo medieval, vila rodeada de mosteiros, Baños de Molgas, Xunqueira de Ambía, Xunqueira de Espadanedo, San Pedro de Rocas, Monfero ... e tamén preto doutros castelos, Castro Caldelas, Monterrei ... preto de Allariz, a media hora de Ourense, San Estevo de Ribas de Sil, Santa Cristina ... vaia lugar.

A ventá que mira á vila de Maceda...

E velaquí a privilexiada terraciña deste castelo-hotel no que poderiamos celebra-la nosa voda celta (cada ano porque así eran os celtas, ó ano caducaba e podían renovar ou mudar) posto que teñen un druida que é quen oficia no patio interior do castelo.

Augasantas

Un recuncho onde comungan pedra e auga, onde a sete quilómetros do centro urbán podemos ver o museo dos cesteiros de Allariz, a igrexa de santa Mariña, o pilón, as carballas centenarias, os detalles dos cans da porta da reitoral ...