Monterrei

Situado na comarca de Verín, e dando nome ó concello o castelo de Monterrei é unha fortaleza medieval construida no século XII.

As tres murallas que o defendían mantéñense en pé, nesta porta da segunda muralla temos o escudo de armas dos Ulloa (condes de Monterrei) e o primeiro que nos atopamos defrente é o hospital de peregrinos construido entre os séculos XV e XVII.

Porriba da muralla un carreiro rodea as casas que están pegadas a ela e danos esta vista do castelo.
Algunhas das casas que o rodean teñen tamén os seus escudos de armas, anque hoxe estean case en ruinas.
o castelo conta coa igrexa de fabrica gótica adicada a Santa María que xunto co hospital, a torre da homenaxe e o pazo foi construida entre os séculos XV e XVII.

Os accesos polo medio das casas e murallas son parte en escadas e parte en rampa empedrada.

Velaquí a torre da homenaxe.

E acó outra vista da mesma pero dende a cancela da igrexa.

O pazo e a torre das damas que data do séc XIV.

O patio de armas e o pazo.

Un dos pazos-fortaleza mellor conservados de toda galicia.

Verín visto dende Monterrei.

Velaquí a atalaia data do 1664, e despidenos de todo o conxunto.
Aconséllovos que o visitedes, vale a pena, amáis de que estades ó pé de Verín e se ides no entroido os Cigarróns amenizaranvos a estancia. Palabra.

O Toxa

Pra non variar de lugar, comezamos o ano dando unha volta pola comarca do Deza. Anque non nos demos conta e puidemos de paso achegarnos a ve-los xenerais do ulla en Merza. Velaquí a fervenza do Toxa en Silleda. En dúas verbas im-presionante. Darredor da fervenza hai un miradoiro no alto e ata unha rota de sendeirismo que nos leva a Carboeiro, pero iso verémolo noutra visita. Velaquí as vistas antes de baixar á fervenza, as casiñas pertencen á parroquia de Merza en Vila de Cruces.

Nesta nova visita que fixemos ó Toxa, fomos co tempo xusto e non puidemos face-lo camiño a Carboeiro, pero o que é a foto obrigada sí que a temos.¡Vaia se baixou a cantidade de auga da fervenza!